Fernando Alonso rrezikoi arrestimin

14:47 | 5 Tetor 2017
Arbresh.info

Fernando Alonso ishte bërë gati për një event të McLaren Honda në Japoni, aty ku do të zhvillohet gara e radhës e Formula 1, por gjërat nuk shkuan sipas programit.

Gjysmë ore përpara se të niste eventi, policia nuk lejoi që të zhvillohej sipas parashikimit fillestar, pasi ishin grumbulluar shumë njerëz.

“Doja që të bëja një foto me të gjithë tifozët që kishin ardhur, por nuk na lejuan pasi policia nuk garantonte sigurinë e të gjithëve”, shpjegoi vetë piloti spanjoll.

Sipas mediave sportive spanjolle, policia arriti deri aty sa e kërcënoi Alonson me arrestim nëse do të paraqitej në event. Për këtë arsye, Alonso thjesht doli në dritare dhe përshëndeti nga aty njerëzit që ishin pranë statujës së Hachiko-s, në Tokio.

Shpërndaje në rrjete sociale

Lajmet më të lexuara

Të ngjashme

Foto lajm